htveir – heildræn heilsa er upplýsinga- og fræðsluvefur.

Börnin eru ofarlega í okkar huga, fjölskyldan, jákvæð fjölskyldugildi, hreysti og almennt góð heilsa, ásamt hollu mataræði og góðum lífsháttum.

htveir – heildræn heilsa á sér einnig draum um að sem flestir þekki hómópatíu, fyrir hvað hún stendur og geti notfært sér þessa náttúrulegu og mildu meðferð við flestum af þeim kvillum sem koma upp í daglegu lífi. h2 hefur gefið út sjálfshjálparbækur um hómópatíu á íslensku til að koma til móts við aukna eftirspurn eftir heildrænum meðferðum íslendinga.

Hómópatía á íslensku

Hómópatía er gamalt og rótgróið meðferðarform sem er vel þekkt víða um lönd, enda eru um 430 milljónir manna sem nýta sér hómópatíu á heimsvísu. Hómópatía kom til Íslands um miðja nítjándu öld og var nokkuð útbreidd hér á landi allt þar til um miðja tuttugustu öld þegar starfandi hómópötum fækkaði hratt sökum aldurs og hætta var á að kunnátta um fræðin myndi tapast frá landinu. Lífi var blásið aftur í fræðin hér á Íslandi árið 1993 þegar hópur fólks sótti sér nám í hómópatíu og síðan þá, hafa útskrifast um 80 hómópatar hér á landi. Það sem vantaði hinsvegar sárlega var aðgengilegt efni á íslensku fyrir almenning um hómópatíu, bæði til að hafa greiðari aðgang til að kynna sér hugmyndafræðina og einnig til að eiga kost á að geta flett upp og borið saman remedíur til að geta hjálpað sér og sínum nánustu.

Guðný Ósk Diðriksdóttir og Anna Birna Ragnarsdóttir, tóku af skarið og settust við skriftir til að koma til móts við aukna eftirspurn eftir fræðiefni um hómópatíu á íslensku. Með útgáfu bókanna er auðveldara að nálgast grunnþekkingu og geta þannig tekist á við helstu kvilla sem kunna að gera vart við sig í amstri dagsins á aðgengilegan hátt.

Sjálfshjálparbækurnar sem nú þegar eru komnar út eru Barnið og uppvaxtarárin með hómópatíu og Meðganga og fæðing með hómópatíu. Þess má geta að hómópatía vinnur ávallt með einkenni og hvernig þau hafa áhrif á þann sem þau sýna, því geta báðar þessar bækur hentað öllum, óháð aldri eða kyni.

Það er ósk þeirra Guðnýjar Óskar og Önnu Birnu að með útgáfu bókanna haldi þessi aldagamla, milda náttúrumeðferð, sem hómópatían er, áfram að vaxa og dafna meðal íslendinga nútímans um ókomna framtíð.

Barnið og uppvaxtarárin

er frábær bók fyrir allt fjölskyldufólk sem vill fræðast um og nýta sér aldagamla, áhrifaríka og milda náttúrumeðferð.

Í bókinni er tekið á rúmlega þrjátíu atriðum sem upp geta komið á uppvaxtarárum barna og hvernig má á auðveldan hátt takast á við einkenni þeirra heima við.

Meðal fjölda annarra kvilla er tekið á magakrömpum, eyrnabólgum, kvefi, hósta, hita, hálsbólgu, kossageit, meltingarkvillum, undirmigu, tanntöku, vörtum, lús og njálgi. Einnig er ítarlegur kafli um Bráðahjálp, sem kemur sér vel á ferðalögum og ef um minniháttar slys er að ræða.

Í seinni hluta bókarinnar eru settar upp aðgengilegar samanburðartöflur sem auðvelda val á milli remedía eftir þeim einkennum sem eiga við í hverju tilfelli fyrir sig.

Meðganga og fæðing

er ómissandi fyrir allar þær konur sem vilja taka meiri ábyrgð á eigin heilsu á mildan og áhrifaríkan hátt.

Í þessari bók er tekið á mörgum af þeim kvillum sem konur geta þurft að takast á við á meðgöngu, í fæðingarferlinu sjálfu og fyrstu dagana eftir að hún hefur eignast barn. Má til dæmis nefna morgunógleði, bjúg, meltingarójafnvægi, sinadrætti, bakverki, gyllinæð, fæðingarþunglyndi, brjóstabólgu, þvagteppu, ásamt fjölda annarra kvilla sem teknir eru fyrir.

Það er val hverrar konu hvernig hún vill takast á við líðan sína á meðgöngunni. Hómópatía er kostur sem vert er að kynna sér.

Bækurnar Barnið og uppvaxtarárin og Meðganga og fæðing frá h2 fást í vefverslun htveir.is