Yfirleitt fylgja tanntöku lítilsverð eða engin vandamál . Tennur byrja að birtast á 5-8 mánuði og ársgamalt barn er yfirleitt með 6-10 tennur. Um 18 mánaða er barnið yfirleitt með 12 tennur og tveggja ára 16-20 tennur. Um tveggja og hálfs er barnið yfirleitt komið með allar 20 tennurnar. Fullorðinstennur byrja yfirleitt að koma á bilinu 5-7 ára.

Algengustu vandamálin eru kláði og sársauki þegar tennurnar koma upp og oftast fylgir því að börnin vakna oft á nóttunni og eru pirruð og vansæl. Andvökunætur geta verið erfiðar fyrir bæði barnið og foreldrana ef tanntakan gengur hægt eða tennur virðast myndast seint. Aðrir fylgikvillar tanntöku geta verið linar hægðir, niðurgangur og aukin slefmyndun. Önnur einkenni geta verið óróleiki, grátur og pirringur, rauðar kinnar, hita- og kuldaköst.

Hómópatískar remedíur hafa oft hjálpað mikið þegar börn eru að taka tennur. Hér fyrir neðan eru nokkrar sem hugsanlega gætu hjálpað:

Aconite: Ef sársauki er mikill, óróleiki og gómur bólginn. Barnið nuddar oft góminn með hnúanum til að draga úr sársauka. Því líður verr í köldu lofti og við kalda drykki.

Calcarea carbonica: Er mjög gagnleg þar sem tanntakan gengur hægt, allur þroski er hægur, líkamlega (t.d. varðandi bein, fontanella, mjúki hlutinn ofan á höfðinu grær hægt saman). Svitamyndun, sérstaklega á höfðinu. Oft er súr lykt af hægðum. Oft eru þessi börn ljóshærð, stórbeinótt og þybbin.

Calcarea phosporica: Barnið er með mjög svipuð einkenni og Calcarea carbonica, en algengara er að dökkhærð og mjóslegin börn þurfi á henni að halda, þó að þetta sé ekki algilt.

Ef þið haldið að barn ykkar þurfi á Calc Carb eða Calc Phos mælum við með að þið leitið ráða hjá faglærðum hómópata.

Chamomilla: Barnið er vælið, pirrað og vansælt. Það vill jafnvel ekki að það sé horft á það. Það getur fengið mikil reiðiköst og reiðin verður meiri með auknum sársauka, sem virðist vera óbærilegur. Ekkert virðist geta glatt barnið, það getur beðið um ákveðinn hlut en þegar það fær hlutinn vill það hann ekki heldur eitthvað annað. Barnið er þögult svo lengi sem haldið er á því. Ein kinn getur verið rauð, venjulega sú hlið þar sem tanntakan er, hin kinnin er föl. Lausar hægðir, þó ekki niðurgangur. Barninu líður yfirleitt verr á nóttunni.

Silica: Tennur koma hægt. Svitamyndun er í hnakka og á höfði. Barnið er ljúft og þægilegt en á sama tíma einstaklega þrjóskt. Silicu börn eru oftast grönn og með þunnt ljóst hár.

Annað sem gæti hjálpað við tanntöku: Láttu barnið hafa eitthvað til að naga. Gott er að gefa barninu eitthvað hart og kalt, t.d. er hægt að setja klaka í klút og láta barnið naga.

Tekið skal fram að ávallt er heillavænlegast að leita sér aðstoðar hjá reyndum hómópata, til að auka líkur á að rétt remedía sé valin. Hér fyrir ofan er einungis nefndar örfáar af þeim remedíum sem gætu komið til greina, sem veljast eftir þeim einkennum sem barnið sýnir.

 

Sjálfshjálparbækurnar Meðganga og fæðing með hómópatíu og Barnið og uppvaxtarárin með hómópatíu, er hægt að nálgast í vefsölu www.htveir.is

Guðný Ósk Diðriksdóttir tók saman.
www.htveir.is
www.facebook.com/HeildraenHeilsa.h2

 

Leave a Reply

Your email address will not be published. Required fields are marked *

Hómópatía á íslensku
Bækurnar Meðganga og fæðing með hómópatíu og Barnið og uppvaxtarárin með hómópatíu má nálgast hér og einnig sem kindle útgáfu (ebook) á Amazon.
Hómópatía á ensku
Bókin Pregnancy and Childbirth with Homeopathy er þriðja bók Heildrænnar heilsu. Hægt er að panta eintak frá Amazon og einnig sem kindle útgáfu (ebook).
Kynningar fyrir hópa

Ýmsar sérhæfðar kynningar eru í boði: Meðganga og fæðing með hómópatíu, Ungbarnið og fyrstu árin með hómópatíu, Í ferðalagið með hómópatíu, Skyndiaðstoð með hómópatíu, Sérhannaðar kynningar fyrir þinn hóp.