Við mannfólkið erum hreint út sagt ótrúleg!
Stór spurning er hvort við Íslendingar séum með þeim allra bestu, eða erum við kannski ein af þeim verstu?

Við ætlum okkur mikið og trúum því að við getum flest, ef ekki allt. Svo sannarlega er það gott og gilt, nema hvað að á leiðinni gleymum við oft að huga að okkur sjálfum. Við öslum áfram að markmiðum okkar. Markmiðunum sem að við trúum og treystum að veiti okkur betra líf. Við leggjum allt undir. Vinnum langar vinnustundir, leggjum okkur 150% fram við verkið og klárum það með stæl. Svona tökum við oft á hlutunum og sinnum hverju verkinu á fætur öðru.

Hversu oft höfum við sjálf hugsað, eða heyrt frá þeim sem að við elskum:

Þetta fer nú að verða búið, skilafrestur rennur út eftir 1, 2, 3 daga.

Þá ætla ég að gera …., að hitta …., að hugsa um …!!

Við erum einnig dugleg að yfirfæra allt það besta á okkur frá öðrum þjóðum. Njótum þess, þrátt fyrir að við gerum líka oft grín að því okkar á milli, að vera litla landið á milli evrópu og ameríku. Oftast erum við fyrst til að tileinka okkur nýjungar, af því sem okkur finnst skipta máli, úr þessum tveimur áttum.

Við eigum flest tækin, við höfum mesta lúxusinn, bestu heilsugæsluna, flottustu mannvirkin, við höfum besta matinn, flottustu veitingahúsin, duglegasta fólkið, fallegustu konurnar, sterkustu mennina og svo gætum við haldið áfram endalaust.

En hvað svo? Njótum við þess og uppskerum við umbun erfiðisins?

Kannski sumir í krónum talið, en alls ekki allir.

Hvað með fjölskylduna? Hvar var hún á meðan allur tími fór í verkin? Hvað með  vinina? Og ekki síst hvað með heilsuna og okkur sjálf?

Erum við að forgangsraða rétt? Það er ljóst að við þurfum að vinna til að framfleyta  fjölskyldunni og öllu því sem tilheyrir því að vera til.

En þurfum við ALLT það sem við höldum að við þurfum?

Þurfum við að vinna svona margar stundir í burtu frá fjölskyldunni?

Getum við sætt okkur við aðeins minna af veraldlegum gæðum og fengið eitthvað annað í staðinn?

Hvað gæti þetta “annað í staðinn” verið? Er kominn tími á það að reyna að breyta?

Við ættum öll að leyfa okkur að nota smá tíma af aðventunni og jólafríinu og að velta fyrir okkur þessum spurningum. Okkar fjölskyldu og ekki síður okkar heilsu til heilla.

Ef við viljum njóta lífsins til fulls, alla leið, verðum við að forgangsraða rétt. Og virkilega huga að hvernig við förum með líkama okkar og sál.

Við þurfum að halda góðu jafnvægi á vinnu og frístundum, svefni og vöku, hvíld og þjálfun og hugsa vel um hvað við látum ofan í okkur.  Jafnvægið er það sem að skiptir mestu í öllum okkar gjörðum.

Verum skynsöm og gleymum ekki að huga að okkur sjálfum!

 

Sjálfshjálparbækurnar Meðganga og fæðing með hómópatíu og Barnið og uppvaxtarárin með hómópatíu, er hægt að nálgast í vefsölu www.htveir.is

Guðný Ósk Diðriksdóttir tók saman.
www.htveir.is
www.heildraenheilsa.is

www.facebook.com/HeildraenHeilsa.h2

 

Leave a Reply

Your email address will not be published. Required fields are marked *

Hómópatía á íslensku
Bækurnar Meðganga og fæðing með hómópatíu og Barnið og uppvaxtarárin með hómópatíu má nálgast hér og einnig sem kindle útgáfu (ebook) á Amazon.
Hómópatía á ensku
Bókin Pregnancy and Childbirth with Homeopathy er þriðja bók Heildrænnar heilsu. Hægt er að panta eintak frá Amazon og einnig sem kindle útgáfu (ebook).
Kynningar fyrir hópa

Ýmsar sérhæfðar kynningar eru í boði: Meðganga og fæðing með hómópatíu, Ungbarnið og fyrstu árin með hómópatíu, Í ferðalagið með hómópatíu, Skyndiaðstoð með hómópatíu, Sérhannaðar kynningar fyrir þinn hóp.