Hrein jómfrúar kókosolía er holl fita, sú hollasta í heimi að margra mati. Eiginleikum hennar er oft líkt við hreina töfra.

kókosolía og -hnetaÍ Kyrrahafslöndunum hefur kókosolían alla tíð, verið hluti af næringu innfæddra. Þar er hún oftast fljótandi, því hitastig þar er oftast 24°C eða meira. Ef hún er í lægra hitastigi, líkist kókosolían meira fitu, þykk og aðeins stökk. Hún er því bæði kölluð olía eða fita eftir því í hvaða formi hún er. Auðvelt og mjög fljótlegt er að mýkja fituna upp.

Við miklar rannsóknir á kókosolíunni sem gerðar hafa verið hin síðari ár, hefur komið í ljós að hún eykur brennslu í líkamanum og gefur aukna orku, ásamt því að vera græðandi. Þessar rannsóknir hafa sýnt fram á að brennslueiginleikar kókosolíunnar koma til af lengd fitusýruhlekkja í olíunni. Kókosolían inniheldur miðlungs fitusýruhlekki (MCT), á meðan að flestar aðrar jurtaolíur innhalda langa fitusýruhlekki (LCT). Líkaminn geymir LCT-fitu í líkamanum sem fituforða en notar MCT-fitu beint til brennslu.

Kókosolía í skeið Dæmi eru um að fólk hafi misst mörg kíló við það eitt að taka inn nokkrar teskeiðar af kókosolíu á dag.

 

 

Hver er mismunurinn á þessum fitusýruhlekkjum, annar er lengd þeirra og geymsluform fitunnar í líkamanum og hverju breytir það fyrir okkur?

Brisið, lifrin og allt meltingarkerfið eiga mjög erfitt með að brjóta niður löngu fitusýruhlekkina, þ.e. LCT, án þess að fá sérstök meltingarensím sér til hjálpar, eins getur hún sest inn á æðarnar og valdið háu kólesteróli, að auki sem að líkaminn geymir hana sem fituforða.

Aftur á móti eru miðlungs fitusýruhlekkirnir, MCT, smærri og eiga auðveldara með að komast í gegnum frumuveggina án hjálpar frá öðrum ensímum. Þær valda engu aukaálagi á meltingarfærin, meltast vel og hvetja líkamann til brennslu, með auðveldu aðgengi í lifrina sem breytir þeim strax í orku í stað þess að geyma þær sem fituforða.

Þessir MCT fitusýruhlekkir í kókosolíunni eru það næringarríkir að hún hefur verið notuð á barnaspítulum í Ameríku, fyrir mikið veik ungbörn og einnig fyrir alvarlega veika meltingafærasjúklinga. Mælt hefur verið með að þungaðar konur og konur með börn á brjósti noti kókosolíu, einnig eldra fólk, einstaklingar með sykursýki og þeir sem að þjást af skjaldkirtilsójafnvægi.

Margir afburða íþróttamenn hafa góða reynslu af því að nota kókosolíu og hrósa henni mikið, bæði fyrir aukna orku og minni bólguviðbrögð í vöðvum og liðum. Kókosolían styrkir ónæmiskerfið og veitir þannig vörn gegn ýmsum sýkingum og er talin geta komið í veg fyrir alvarlega sjúkdóma. Hún eykur upptöku og nýtingu af Omega 3 og 6 fitusýrum og hefur góð áhrif á húð og hár, gefur hvorutveggja aukinn gljáa, eins vinnur hún gegn flösu og er sérstaklega góð á exem, ásamt öðrum húðkvillum. Er góð fyrir líkamann, bæði innvortis og útvortis.

kókosolía í lófa

Kókosolía er frábær rakagjafi fyrir þurra húð og getur fitan í olíunni dregið úr hrukkumyndun.

Frábært er að nota kókosolíu á sár, hún myndar einskonar húð yfir sárið og verndar það frá sýklum og óhreinindum. Einnig er gott að bera hana á marbletti þar sem hún getur virkað mjög græðandi á skaddaða vefi.

Kókosolían er frábær sem hárnæring án allra aukaefna. Gott er að nudda kókosolíu í hársvörðinn gegn flösu og hún er frábær fyrir þurrt og illa farið hár. Tilvalið er að bera kókosolíu í hárið, vefja það upp í handklæði og leyfa að liggja í hárinu í nokkrar klukkustundir. Hárið er svo þvegið eins og venjulega og verður silkimjúkt og fallegt á eftir.

 

Kókosolía er tilvalin til matargerðar og það fæst ekki betri eða hollari olía til steikingar, hvort heldur ef verið er að elda kjöt, fisk, egg eða grænmeti. Hún er mjög hitaþolin og skemmist ekki við hitun eins og flestar aðrar olíur.

Tilvalið er líka að setja matskeið af kókosolíu í morgunorkudrykkinn og að nota hana sem dressingu á salatið. Einnig sem álegg á brauðsneiðina í stað smjörs. Hægt er að skipta henni út fyrir allar aðrar olíur og eða fitur í uppskriftum, s.s. smjör, smjörlíki og allar olíur.

 

Kókosolía geymist feikivel, lengst af öllum öðrum olíum án þess að skemmast og ekki þarf að geyma hana í ísskáp. Aðeins þarf að gæta þess að hún standi ekki í sólarljósi.

Mikilvægt er að velja góða, hreina, alveg óunna og óhitaða kókosolíu.Hrein kókosmjólk

Guðný Ósk Diðriksdóttir tók saman.
www.htveir.is
www.facebook.com/HeildraenHeilsa.h2

Leave a Reply

Your email address will not be published. Required fields are marked *

Hómópatía á íslensku
Bækurnar Meðganga og fæðing með hómópatíu og Barnið og uppvaxtarárin með hómópatíu má nálgast hér og einnig sem kindle útgáfu (ebook) á Amazon.
Ný bók frá h2
Bókin Pregnancy and Childbirth with Homeopathy er þriðja bók Heildrænnar heilsu. Hægt er að panta eintak frá Amazon og einnig sem kindle útgáfu (ebook).
Hómópatíunám
Iceland School of Homeopathy tekur enn á móti nýjum nemendum í árgang 2018. Sendu okkur línu og fáðu sendar allar upplýsingar um þetta fjölbreytta og skemmtilega nám.