GrænkálGrænkál er eitt næringarríkasta grænmeti sem völ er á, það er harðgert og auðvelt í ræktun. Grænkál inniheldur karóteníða (beta-karóten/A-vítamín), járn, kalk, kalíum, magnesíum, fólínsýru, B-2, B-3, E- og C-vítamín. Grænkál hefur mikil og góð áhrif á meltinguna, á ristilinn, þarmana og lifrina. Trefjar grænkálsins örva slímmyndun á þarmaveggjunum innanverðum og hjálpar þannig við hæga meltingu og getur komið í veg fyrir harðlífi, einnig er það talið hjálpa við hreinsun lifrarinnar.

Grænkál má nýta á ýmsa vegu í daglegu mataræði, en þar sem C-vítamín og fólínsýra þola illa suðu þá er ekki ráðlagt að láta grænkálið malla lengi í pottunum. Betra er að gufusjóða það til að varðveita eins mikið af vítamínunum og hægt er. Gott er að nota það í súpur, salöt og ýmsa pottrétti. Einnig er tilvalið að nýta það í orkudrykki og einnig til borða sem millimál eða snakk.

 

Hér eru hugmyndir af dásamlega góðu, hollu og næringarríku grænkálssnakki:

 

Einfalt grænkálssnakk:

6-8 blöð af grænkáli

Dass af sjávarsalti

3 msk ólífuolía

Fjarlægið kálblöðin af stöngli og rífið niður kálið í munnbita.

Olía og salt hrært vel saman í skál, kálið sett út í og olían látin smyrjast vel á blöðin.

Sett á bökunarpappír í ofnskúffu og bakað í ofni við 130°C með blæstri í 30 mínútur.

 

Gourmet grænkálssnakk:

6-8 blöð af grænkáli

50 gr sólþurrkaðir tómatar

Dass af tamari sósu

1 hvítlauksrif, smátt skorið eða hvítlaukskrydd

Fjarlægið kálblöðin af stöngli og rífið kálið í munnbita.

Öllu hrært vel saman í skál, kálið sett út í og makað vel á kálið.

Sett á bökunarpappír í ofnskúffu og bakað í ofni við 130°C með blæstri í 30 mínútur.

 

Guðný Ósk Diðriksdóttir tók saman.
www.htveir.is
www.heildraenheilsa.is

Leave a Reply

Your email address will not be published. Required fields are marked *

Hómópatía á íslensku
Bækurnar Meðganga og fæðing með hómópatíu og Barnið og uppvaxtarárin með hómópatíu má nálgast hér og einnig sem rafbók á Amazon.
Hómópatía á ensku
Bókin Pregnancy and Childbirth with Homeopathy er þriðja bók Heildrænnar heilsu. Hægt er að panta eintak frá Amazon og einnig sem rafbók.
Kynningar fyrir hópa

Ýmsar sérhæfðar kynningar eru í boði: Meðganga og fæðing með hómópatíu, Ungbarnið og fyrstu árin með hómópatíu, Í ferðalagið með hómópatíu, Skyndiaðstoð með hómópatíu, Sérhannaðar kynningar fyrir þinn hóp.