Hypericum er unnin úr jurtinni Hypericum perfoliatum (St John’s wort), en jurtin er einnig kölluð Jónsmessurunni á íslensku.

Hypericum er helst þekkt fyrir að meðhöndla einkenni sem tengjast TAUGUM og taugaendum og er tvímælalaust sú remedía sem hómópatanum dettur fyrst í hug þegar TAUGAVERKIR eru nefndir.

Remedían á því vel við ef til koma áverkar eða högg á taugasvæðum, eins og á tær, fingur, rófubein eða í munni líkt og við tannviðgerðir.

Verkirnir eru skjótandi og leiðandi líkt og rafbylgjur, með betri líðan ef nuddað er létt yfir verkjasvæðið, en verri við minnstu hreyfingu. Vísbending um notkun Hypericum er einnig að finna ef verkir virðast MEIRI en áverkinn gefur tilefni til.

Hómópatar nýta Hypericum einnig við miklu streituástandi og þöndum taugum, en jurtin hefur einmitt verið notuð í sama tilgangi sem urtaveig til inntöku þar sem hún er talin styrkjandi fyrir taugakerfið.

Hypericum er ómissandi í sjúkrakassann.

Líður betur:  Við nudd • við að halla höfði aftur • við að liggja á maganum

Líður verr:  Í loftlausu herbergi • við snertingu • við kulda • við minnstu hreyfingu