Með hverjum degi sem líður þessa dagana kólnar í veðri og mörg okkar komin með einkenni vetrarkvefsins. Hósta, hálsbólgu, stíflað nef og tilfinningu um að við séum kannski að verða lasin. Þegar við finnum slíkan slappleika hellast yfir okkur, er ekkert betra en að fara snemma að sofa og huga vel að því sem við setjum ofan í okkur. Einnig er tilvalið að eiga Flensubana í ísskápnum til að geta gripið í. Hér fylgir með uppskrift af auðveldum og mjög virkum flensubana.

Flensubani í krukku

Flensubani:
500 gr lífrænt hunang
1 lífræn sítróna
2 ½ cm af ferskri engiferrót
5-6 negulnaglar

Skerið sítrónuna í sneiðar og engiferið í litla bita.
Setjið allt í krukku og negulnaglana með.
Hellið hunanginu yfir, lokið krukkunni og setjið í kæli.

Eftir viku mun lögurinn verða þykkur og hálfhlaupkenndur, þá er Flensubaninn tilbúinn!

Tekið inn annaðhvort sem te eða með teskeið beint í munninn.
Til að gera teið þá setur þú 1 teskeið í bolla og leysir upp í volgu vatni.

Róar hósta, hálsbólgu og kvef. Ef þér líkar ekki negulbragðið þá má fjarlægja negulnaglana eftir nokkra daga úr leginum.