VorblóminVorið er sá tími sem mörgum einstaklingum líður einna best. Líf er að vakna allt í kring, brumin koma á trén og krókusarnir kíkja upp úr beðunum. Sólin skín og allt verður svo bjart og fallegt.

 

Í upphafi hvers árs finnum við mörg fyrir pressu um að nú þarf að byrja að æfa, að nú sé rétti tíminn til að koma sér í form eftir veturinn og hátíðarhöldin. Gera ráðstafanir til að líta sem best út fyrir sumarið.  Sá tími virðast einnig vera sá sem flestir eiga auðveldast með að gera lífsstílsbreytingar og byrja langflestir einmitt breytingar á lífstíl sínum á fyrstu mánuðum ársins.

Ýmsar leiðir eru valdar, byrjað í ræktinni, farið í föstur og hreinsunarkúrar af ýmsum toga eru vinsælir. Einnig er þetta oft tíminn sem mataræðinu er breytt og eru orkudjúsar, grænmetis– og hollusturéttir oftar á borðum landsmanna.

Þetta er allt saman gott og gilt, sérstaklega ef hugurinn fylgir breytingum og þær eru gerðar með jákvæðu hugarfari.

Hugarfarið er mikilvægast og það að vera sáttur og ánægður með líkama sinn og líðan. Geislandi fegurð og glæsileiki kemur að innan, sama hvort nokkur aukakíló séu til staðar eða ekki. Þau hvort eð er falla algjörlega í skuggann ef einstaklingurinn geislar af gleði og ánægju.

Heilbrigður, ánægður og geislandi einstaklingur sinnir frumþörfum sínum vel, hugar að reglulegum svefni, nærir líkama sinn með hollustu og hreyfir sig reglulega. Einnig þarf að huga vel að félagslegum tengslum, sem eru mjög mikilvæg til að halda jafnvægi á góðri líðan. Ýmislegt annað er gott að hafa í huga til að láta sér líða vel.

hoppandi gleði-fjölskylda, www.htveir.is

Gott er að vita að hreyfing losar endorfín, oft kallað gleðihormón líkamans, það að raula lagstúf og marsera með í takt, eykur gleði bæði innra með viðkomandi og sennilega þeirra sem að verða á vegi hans líka. Höfuðnudd vikjar blóðflæði til heilans og gefur aukna orku og vellíðan.

Það að segja upphátt þrjú orð um hve dásamleg persóna þú ert, að nefna upphátt þrjá líkamsparta sem að þú ert hreykin/n af og að rifja upp þrjá atburði í lífi þínu sem að þú ert virkilega stolt/ur af að hafa tekist að gera, hjálpar þér við jákvætt álit á sjálfum þér.

Þessi atriði hvetja þig til að hugsa jákvætt og uppbyggjandi, þau fá þig til að brosa á hverjum einasta morgni um leið og þú framkvæmir þessa stuttu, en áhrifaríku athöfn. Prófaðu – þú verður ekki svikinn.

Það að trúa á sjálfan sig og hvers þú getur áorkað, fær aðra til að trúa þér og treysta. Að bera sig ávallt vel, ganga upprétt/ur með bros á vör, fær aðra til að brosa og andrúmsloftið í kringum þig verður léttara á allan hátt.

Lifðu lífinu lifandi

 

 

Sá sem að tileinkar sér hegðun sem þessa, er léttur, kátur og geislandi einstaklingur sem augljóslega líður vel og getur svo sannarlega farið um eins og hann eigi heiminn.

„Brostu framan í heiminn og heimurinn mun brosa við þér“

Látum okkur alltaf líða eins og við eigum heiminn.

Sjálfshjálparbækurnar Meðganga og fæðing með hómópatíu og Barnið og uppvaxtarárin með hómópatíu, er hægt að nálgast í vefsölu www.htveir.is

Guðný Ósk Diðriksdóttir tók saman.
www.htveir.is
www.heildraenheilsa.is
Heildræn heilsa – htveir á Facebook

Leave a Reply

Your email address will not be published. Required fields are marked *

Hómópatía á íslensku
Bækurnar Meðganga og fæðing með hómópatíu og Barnið og uppvaxtarárin með hómópatíu má nálgast hér og einnig sem kindle útgáfu (ebook) á Amazon.
Ný bók frá h2
Bókin Pregnancy and Childbirth with Homeopathy er þriðja bók Heildrænnar heilsu. Hægt er að panta eintak frá Amazon og einnig sem kindle útgáfu (ebook).
Hómópatíunám
Iceland School of Homeopathy tekur enn á móti nýjum nemendum í árgang 2018. Sendu okkur línu og fáðu sendar allar upplýsingar um þetta fjölbreytta og skemmtilega nám.