healthy-breakfast-MorgunmaturHvað segið þið – er það “að borða alltaf morgunmat” bara gömul lumma eða teljið þið nauðsynlegt að borða morgunmat? Svarið okkar er, morgunmaturinn er svo sannarlega mikilvægasta máltíð dagsins!

Ef að við skoðum hvað orðið morgunmatur þýðir á ensku “breakfast”, þá sjáum við mjög eðlilega skýringu. Skiptum orðinu í tvennt “break” og “fast” og beinþýðum yfir á íslensku, “brjóta” og “fasta”. Yfir nóttina slakar líkaminn á meltingu og niðurbroti og efnaskipti líkamans fara í dvala, líkaminn fastar! Um leið og við vöknum og borðum morgunmat, brjótum við föstuna og vekjum upp efnaskiptin og meltingin byrjar að vinna aftur á sinn eðlilega hátt.

Líkaminn byrjar þannig strax að brenna hitaeiningum og því er alls ekki rétt að sleppa morgunmat ef einstaklingur vill grenna sig. Margar rannsóknir hafa sýnt að þeir sem að borða morgunmat, grennast mun frekar og halda frekar kjörþyngd, en þeir sem sleppa morgunmatnum og borða þá oft mun meira í hádegismatnum. Viðkomandi er þá einnig orðinn mjög svangur þegar líður að hádeginu og borðar því hraðar, en sá sem gaf sér tíma í hollan og næringaríkan morgunmat.

Þegar við borðum morgunmat byrjar líkaminn  að vinna. Ekki eingöngu við að melta fæðuna, því öll heilastarfsemi byrjar einnig að vinna og einbeiting skerpist. Þeir sem sleppa morgunmat eru gjarnan lengur að byrja á sínum verkefnum þegar komið er til vinnu eða í skólann. Áhugaleysi og pirringur geta gert vart við sig, þar sem að hluti líkamans er í rauninni enn í hvíld, hefur ekki verið ræstur upp á eðlilegan hátt.

Öll starfsemi hugar og líkama verður betri á allan hátt, byrjir þú daginn með hollum og góðum morgunmat. Veldu það að borða næringarríka máltíð sem fyrstu máltíð dagsins, þannig eru mun meiri líkur á að þú finnir ekki fyrir svengd fyrr en að hádegismat kemur. Einnig velur þú mun frekar hádegismat í hollari kantinum ef að þú hefur byrjað daginn á öðru en sætabrauði. Alltaf er líka gott að hafa meðferðis ávöxt, grænmeti eða hnetur til að grípa í ef að svengd segir til sín.

Sem foreldri skaltu ALDREI sleppa morgunmat þannig kennirðu þínum ungum að gera vel við sinn líkama. Hafa skal í huga að börnin læra það sem fyrir þeim er haft og því þurfa foreldrar að sýna gott fordæmi. Bæði þakkar þinn líkami og hugur, slíkt fordæmi og ekki síður líkami og hugur barnsins þíns og allir eru betur í stakk búnir til að takast á við verkefni dagsins.

Njótum þess að fylla líkama okkar af næringu áður en haldið er út í daginn.

Hér má finna margar sniðugar og fljótlegar hugmyndir af nesti til að grípa með.

Sjálfshjálparbækurnar Meðganga og fæðing með hómópatíu og Barnið og uppvaxtarárin með hómópatíu, er hægt að nálgast í vefsölu www.htveir.is

Guðný Ósk Diðriksdóttir tók saman.
www.htveir.is
www.heildraenheilsa.is

Leave a Reply

Your email address will not be published. Required fields are marked *

Hómópatía á íslensku
Bækurnar Meðganga og fæðing með hómópatíu og Barnið og uppvaxtarárin með hómópatíu má nálgast hér og einnig sem kindle útgáfu (ebook) á Amazon.
Ný bók frá h2
Bókin Pregnancy and Childbirth with Homeopathy er þriðja bók Heildrænnar heilsu. Hægt er að panta eintak frá Amazon og einnig sem kindle útgáfu (ebook).
Hómópatíunám
Iceland School of Homeopathy tekur enn á móti nýjum nemendum í árgang 2018. Sendu okkur línu og fáðu sendar allar upplýsingar um þetta fjölbreytta og skemmtilega nám.